Жаалхүү ээж аавынхаа өгсөн мөнгийг хугацаанаас нь өмнө зарцуулж дууссан учраас мөрөөдөл болсон бөмбөг авч чадсангүй. Удахгүй зуны амралт эхлэх гэж байгаа тул хүүгийн сэтгэл зовж ямар нэгэн байдлаар мөнгө олох арга хайж байлаа. Тэдний захиалдаг нэгэн сэтгүүлийн сүүлийн дугаарт "Ажил болгон хөлстэй" гэснийг уншаад хүү баярлан дэвхцэв. Түүний бодлоор бол ээж аавдаа хийж өгсөн ажлынхаа хөлсийг заавал авах нь зүйтэй байв. Хүү шалавхан хийх ажлынхаа жагсаалтыг гаргав. Үүнд: талханд явах 200төг гэх мэтээр тооцоолоход сарын хөлс нь 10 мянган төгрөг болж байв. "Мэргэн арга" олсондоо баярласан жаал тэр жагсаалт бүхий цаасаа сэмээрхэн ээжийнхээ цүнхрүү хийв. Өглөө нь жаалхүү сэрэхэд хажууд нь 10 мянган төгрөгтэй цуг бяцхан зурвас байж байв. Өчигдрийн бичсэн зурвас шиг мөртлөө ээжийнх нь гарын үсэгтэй тэрхүү цаасан дээр "Амь амьдралаа зориулан чамайг төрүүлж өсгөн, хооллож, бүхий л амьдралын чинь турш чамайг харж хандасны хөлс нь зөвхөн чиний хайр болон үнсүүлэх гэж өгсөн хацар чинь юм шүү. Ажлынхаа хөлсөнд олсон энэ мөнгөө сайн сайхан зүйлд зориулаарай "гэсэн байлаа.
No comments:
Post a Comment